fbpx
තවත්
    මුල් පිටුවඋණුසුම් පුවත්පොලීසියට නිල ඇඳුම් -සපත්තු දෙන්න ලංසු කැඳවයි

    පොලීසියට නිල ඇඳුම් -සපත්තු දෙන්න ලංසු කැඳවයි

    මේ වසර සඳහා ශ්‍රී ලංකා පොලීසියේ නිලධාරින්ට නිලඇඳුම් සහ පාවහන් සැපයීමේ කටයුතු ආරම්භ කර තිබේ.

    ඒ යටතේ මේ වසර සඳහා පොලිස් පරීක්ෂක ශ්‍රේණිවල හා කනිෂ්ඨ ශ්‍රේණිවල නිලධාරින් වෙත නිල ඇඳුම් නිකුත් කිරීමට රෙදි මීටර් 732,000ක් අවශ්‍ය බවට ඇස්තමේන්තු කර ඇත.

    එමෙන්ම පොලිස් සැරයන්/පොලිස් කොස්තාපල් නිලධාරින් වෙත ලබාදීමට හම් සපත්තු ජෝඩු 70,000ක් මේ වසර සඳහා අවශ්‍ය වේ.

    ඒ අනුව, ශ්‍රී ලංකා පොලීසිය වෙත 2024 වර්ෂය වෙනුවෙන් වෙන් කර ඇති ප්‍රතිපාදන භාවිත කරමින් මේවා සැපයීම සඳහා ලංසු කැඳවීමට පියවර ගෙන තිබේ.

    ඒ අනුව ජාතික තරගකාරී ලංසු කැඳවීමේ ක්‍රියාවලිය අනුගමනය කර එම රෙදි තොගය සහ පාවහන් තොගය සැපයීමට මහජන ආරක්ෂක අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කර ඇත.

    සංජීවනී එදිරිසිංහ

    මෙවන් පුවත් එසැනින් දැන ගන්න අපේ WhatsApp News සේවාවට එකතු වන්න.

    ඔබේ අදහස් දක්වන්න.