කැලණිය විශ්වවිද්‍යාලයේ අධ්‍යාපනය ලබන සිසුන් තිදෙනෙක් අපරාධ පරීක්ෂණ දෙපාර්තමේන්තුවේ මහජන පැමිණිලි විමර්ශන අංශයේ නිලධාරීන් විසින් ඊයේ අත්අඩංගුවට ගෙන ඇත.
පොලොන්නරුව, කහවත්ත සඑ මොණරාගල පදිංචි සිසුන් තිදෙනෙක් මෙසේ අත්අඩංගුවට ගෙන තිබේ.
කැලණිය විශ්වවිද්‍යාලයේ 03වන වසරේ ඉගෙනුම ලබන සිසුන් 06 දෙනෙකු බලහත්කාරයෙන් රැගෙනගොස් සිරකර තර්ජනයකර නවකවදය ලබාදීම මෙම සිසුන් තිදෙනාට එල්ලවී ඇති චෝදනාවන්ය. ඒ සම්බන්ධයෙන් ඔවුන් තිදෙනා අද අධිකරණයට ඉදිරිපත් කිරීමට නියමිතව ඇත.
