ලන්ඩන් නුවර කෙනිංටන් ඔ්වල් ක්‍රීඩාංගණයේ පැවැති තෙවැනි ටෙස්ට් තරගය එංගලන්තය පරදා කඩුලු 8කින් ජය ගත් ශ්‍රී ලංකාව ක්‍රිකට් වාර්තා පොත් අලුත් කරන්නට සමත් වී තිබේ.
ආරම්භක පිතිකරු පැතුම් නිශ්ශංක මෙම තරගයේ ජයග්‍රහණයේ නියමුවා වෙමින් පළමු ඉනිමේ ලකුණු 64ක් හා දෙවැනි ඉනිමේ නොදැවී ලකුණු 127ක් ලබමින් තරගයේ වීරයා සම්මානය දිනා ගත්තේය.
මෙම තරගය සුවිශේෂී වන්නේ ආසියානු කණ්ඩායමක් එංගල්තයේ දී ජයග්‍රහණය හිමිකර ගත්, හඹාගිය වැඩිම ලකුණු (219-2) සංඛ්‍යාව මෙය වේ. මීට පෙර එම වාර්තාව ඔ්ස්ට්‍රේලියාවට එරෙහිව පාකිස්ථානය (180-7) ලීඩ්ස් පිටියේ දී 2010 වසරේ වාර්තා කර තිබිණි.
ශ්‍රී ලංකාව එංගලන්තයේ දී ලැබු සිවුවැනි ජය මෙය වන අතර මීට පෙර අවසන් වරට ශ්‍රී ලංකාව එංගලන්තයේදී ටෙස්ට් තරගයක් ජයගෙන තිබුණේ 2014 වර්ෂයේ දී ය.
ශ්‍රී ලංකා ආරම්භක පිතිකරුවෙකු එංගලන්තයේ දී ශතකයක් ලබා ගැනීම මෙලෙස වාර්තා වූයේ වසර 13කට පසුව වීමද විශේෂත්වයකි. එංගලන්තයට එරෙහිව දෙවැනි ඉනිමේ ශතකයක් ලැබු අතලොස්ස අතරට එක්වූ පැතුම් නිශ්ශංක ඉතා සංයමයෙන් තමන් ශතකය කරා ගිය බව සඳහන් කළේය.
කෙසේ වෙතත් ටෙස්ට් තරගාවලියේ ජය 2-1 ලෙස එංගලන්තයට හිමිවිය.
එංගලන්තය 325 සහ 156
ශ්‍රී ලංකාව 263 සහ 219/2
