නවසීලන්තය සමඟ පැවැත්වෙන දෙවැනි ටෙස්ට් තරගයේ පළමු ඉනිමේ දි දිනේෂ් චන්දිමාල් ශතකයක් වාර්තා කිරීමට සමත් විය. ඒ ඔහුගේ 16 වැනි ටෙස්ට් ශතකයයි.
අද තරගයේ කාසියේ වාසිය දිනාගත්තේ ශ්‍රී ලංකා කණ්ඩායමයි. ඒ අනුව පළමුව පන්දුවට පහරදීමට ශ්‍රී ලංකා කණ්ඩායම තිරණය කළේය.
ශ්‍රී ලංකා කණ්ඩායමේ පළමු කඩුල්ල ලකුණු 2කේදී දැවී ගියේය.
පැතුම් නිශ්ශංක ලකුණකට දැවී යාමෙන් පසු පිටියේ අනර්ඝ සම්බන්ධතාවක් ගොඩනැගූ දිමුත් කරුණාරත්න සහ දිනේෂ් චන්දිමාල් ශ්‍රී ලංකා ඉනිම ප්‍රබල තැනකට ගෙනාවේය.
ලකුණු 46 ලබා සිටිය දී දිමුත් කරුණාරත්න අවාසනාවන්ත ලෙස දුවද්දී දැවී ගිය අතර විශිෂ්ට ඉනිමක් ක්‍රීඩා කළ දිනේෂ් චන්දිමාල් ලකුණු 116කට දැවී ගියේය.
මේ වනවිට නොදැවී ක්‍රීඩා කරන ඇන්ජලෝ මැතිවුස් ලකුණු 60ක් හා කමිඳු මෙන්ඩිස් ලකුණු 16 ලබා සිටියි. ටිම් සෝති සහ ජී.පිලිප්ස් කඩුල්ල බැගින් දවාගත්හ.
ශ්‍රී ලංකාව 249/3 (80)
