වාර විභාගයෙන් පන්තියේ 17 වෙනියා වීම සම්බන්ධයෙන් උරණවූ හොරොව්පතාන මුක්කර වැව ප්‍රදේශයේ පදිංචි පියෙක් ගිනි පෙළෙල්ලකින් පහරදී සිය 10 හැවිරිදි දියණිය පිළිස්සූ පියෙක් අත්අඩංගුවට ගෙන ඇත.
දැරිය නිවසට පැමිණ තමන් වාර විභාගයෙන් ලබා ගත් ස්ථානය පැවසීමෙන් පසු එයින් උරණවූ දැරියගේ පියා උදුනේ දැවෙමින් තිබූ ගිනි පෙළෙල්ලක් ගෙන දැරියට පහරදී ඇති බව පොලිසිය පවසයි.
පහරවැදීමෙන් සහ පිලිස්සීමෙන් තුවාල ලැබූ දැරිය හොරොව්පතාන රෝහලට ඇතුලත් කර තිබේ.
මේ සම්බන්ධයෙන් විමර්ශන සිදුකළ හොරොව්පතාන පොලිසිය දැරියගේ පියාවන තිස් හැවිරිදි පුද්ගලයෙකු අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව මෙම මස 22 දක්වා රිමාන්ඩ් බන්ධනාගාර ගත කර ඇත.
