මේ වනවිට වෙළඳපලේ සහල්, බිත්තර, පොල් ඇතුළු ආහාර ද්‍රව්‍යවල මිල ගණන් ඉහළ යාම ඇතුළු කාරණා පිළිබඳව විශේෂ සාකච්ඡාවක් ජනාධිපති අනුර දිසානායක මහතාගේ ප්‍රධානත්වයෙන් කැඳවා තිබේ.
එය අද (22) ජනාධිපති ලේකම් කාර්යාලයේ පැවැත්වීමට නියමිතව ඇත.
කෘෂිකර්ම අමාත්‍යංශ ලේකම්වරයා සඳහන් කරන්නේ වෙළඳපළේ සහල් මිල ඉහළ යාමක් පවතින බවත් නාඩු සහල් වල අඩුවක් දක්නට ලැබෙන බවත්ය.
රුපියල් 220ක පාලන මිලක් නාඩු සහල් කිලෝවකට යොදා තිබුනද නාඩු වී මිල ඉහළ යාම නිසා මෙම පාලන මිල සහල් අලෙවි කිරීමට නොහැකි බව සහල් මෝල් හිමියන් පවසන බවත් ලේකම්වරයා කියා සිටියි.
ආහාර මිල ගණන් ඉහළ යෑම ආදී කරුණු සම්බන්ධයෙන් මෙම සාකච්ඡාවේදී අවධානය යොමු කරන බවද ඔහු කියා සිටියේය.
